Streetside Classicс майдончасида 1997 йилда ишлаб чиқарилган ва ҳозирга қадар 58,7 минг километр йўл босган Toyota Supra сотувга қўйилди. Машина эгаси эски спорткар учун 93 минг доллар сўрамоқда. Бу янги Supra’дан кўра икки баробар қимматроқ демак, деб хабар беради Motor.
Мазкур эски модель нархининг бу қадар қимматлиги спорткар яхши ҳолатда сақлангани ва у Limited Edition 15th Anniversary чекланган серияга тегишли эканлиги билан изоҳланмоқда.
Эълон муаллифининг таъкидлашича, автомобиль худди ҳозиргина конвейрдан чиққан каби кўринишга эга. Renaissance Red рангидаги Supra’га «круиз-контрол», фронтал ва ён хавфсизлик ёстиқчалари ҳамда кондиционер ўрнатилган: салон қора чарм билан қопланган. 17 дюймли дискаларига Kumho «покришка»лари кийдирилган. Машина қанотларида автомобиль юбилей муносабати билан ишлаб чиқарилган серияга тааллуқли эканлигини билдирувчи белги мавжуд. Limited Edition 15th Anniversary табличкаси эса салонга жойлаштирилган.
23 ёшли спорткар 320 от кучига эга 3,0 литрли 2JZ-GTE двигатели ёрдамида ҳаракатга келади. Motor олти поғонали механик узатмалар қутиси ёрдамида бошқарилади. Машинанинг соатига 60 мил тезликка (97 км/соат) эришиши учун беш сония кифоя қилади.
Limited Edition 15th Anniversary сериясига кирувчи Toyota Supra’лардан бири 2019 йилда 176 минг долларга сотилган эди.
Мавзуга доир:
Изоҳ (0)