Таниқли мутахассис Сергей Лушчан Самарқанднинг «Динамо» клуби бош мураббийига айланди. Бу ҳақда клуб матбуот хизмати маълум қилди.
11 июль куни «Динамо» раҳбарияти ва жамоа аъзолари иштирокида йиғилиш бўлиб ўтди, унда Лушчан клубнинг янги бош мураббийи сифатида таништирилган. Мутахассисга «Динамо»ни Суперлигага олиб чиқиш шарти қўйилган.
10 июль куни «Динамо» бош мураббийи Равшан Аҳмедов истеъфога чиқарилганди.
Маълумот учун, Лушчан ундан аввал «Бунёдкор» (2014—2017) ва «Сўғдиёна» (2018—2019) клубларида бош мураббий бўлиб фаолият юритган.
«Динамо» айни дамда Про-Лигада иштирок этмоқда. Самарқандликлар жамоаси ортда қолган икки турда бирорта ҳам очко тўплай олмади. Шунингдек, «Динамо» Ўзбекистон Кубоги мусобақасини ҳам тарк этди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)