Футбол бўйича Англия Премьер Лигасининг 35-турида «Норвич» 11 июль, шанба куни «Вест Ҳэм»га ютқазиб қўйди (0:4).
Учрашувда Майкл Антонио покер қайд этган ҳолда, лондонликларнинг ғалабасини таъминлади.
Мазкур мағлубиятдан сўнг «Норвич» АПЛда жон сақлаб қолиш имкониятини йўққа чиқарди ва Чемпионшипга йўл олди.
Шу тариқа «Норвич» бешинчи марта Премьер Лигадан (лига ушбу форматда 1992/93 йилги мавсумдан буён ўтказилади) тушиб кетди. Бу мусобақа антирекорди ҳисобланади.
Шунингдек, «Норвич» АПЛ бир мавсуми давомида 24 марта мағлубиятга учради ва бу клуб тарихидаги энг ёмон натижа ҳисобланади.
АПЛ
35-тур баҳси
11 июль, шанба
«Норвич» — «Вест Ҳэм» 0:4
Голлар: 0:1 – 11 Антонио, 0:2 – 45 Антонио, 0:3 – 54 Антонио, 0:4 – 74 Антонио.«Норвич»: Крул, Клозе, Ааронс, Годфри, Льюис, Штиперманн (Кэнтуэлл, 69), Буэндиа (Рупп, 70), Эрнандес (Мартин, 70), Тетти, Вранчич (Маклин, 78), Пукки (Ида, 69).
«Вест Ҳэм»: Фабианьски, Крессуэлл, Огбонна (Бальбуэна, 87), Фредерикс, Диоп, Антонио (Аллер, 78), Райс, Форнальс (Масуаку, 83), Нобл (Уилшер, 77), Боуэн (Ярмоленко, 83), Соучек.
Огоҳлантириш: Штиперманн (33).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)