Футбол бўйича аёллар ўртасидаги Ўзбекистон Олий Лигаси ўйинлари коронавирус пандемияси сабаб номаълум муддатга қолдирилди. Бу ҳақда Профессионал футбол Лигаси (ПФЛ) расмий сайтида маълум қилинди.
Таъкидланишича, Олий Лига клублари ПФЛга мурожаат билан чиққан ва карантин чекловлари сабаб юзага келган муаммолар туфайли лига ўйинларини қолдиришни сўраган.
ПФЛ клубларнинг фикрини инобатга олган ва мамлакат миқёсида чекловлар юмшатилгунга қадар мусобақани тўхтатиб туришга қарор қилган.
Эслатиб ўтамиз, Республика махсус комиссияси томонидан 10 июлдан 1 августга қадар карантин чекловлари жорий қилинди. Аввалроқ мазкур чекловлар сабаб футзал бўйича Ўзбекистон чемпионати ва футбол бўйича Биринчи Лига ўйинлари номаълум муддатга қолдирилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)