Испания чемпионатининг 35-турида «Реал» «Алавес»ни қабул қилиб, 2:0 ҳисобида ғалаба қозонди.
Мадрид клуби дарвозабони Тибо Куртуа мазкур беллашувни қўшиб ҳисоблаганда кетма-кет бешинчи учрашувда ўз дарвозаси дахлсизлигини сақлаб қола олди. Шу тариқа бельгиялик посбон Ла Лиганинг 2019/20 йилги мавсумида «қуруқ» ўйинлари сонини 18 тага етказиб олди.
Бир мавсум давомида «қуруқ» ўйинлар ўтказиш бўйича «Реал»нинг рекордчиси Франциско Буйо (1986/87 йилги мавсумда 19 та «қуруқ» ўйин ўтказган) саналади. Шунингдек, Буйо 1987/88 йилги мавсумда ҳам Куртуа каби 18 та ўйинда дарвозасидан тўп олиб чиқмаган.
Маълумот ўрнида, 28 ёшли Тибо Куртуа 2018 йилдан бери «Реал» шарафини ҳимоя қилиб келади. Жорий мавсумда у Ла Лиганинг 32 учрашувида майдонга тушди.
Мавзуга доир:
Изоҳ (0)