Қозоғистонда ўтган бир сутка ичида 1726 кишида, Қирғизистонда эса 511 кишида коронавирус аниқланди

Қозоғистонда ўтган бир сутка ичида яна 790 кишида коронавирус аниқланди, шунингдек, 963 кишида касалликнинг белгисиз ҳолати қайд этилган. Умумий ҳисобда бир сутка давомида COVID-19 қайд этилган беморлар сони 1726 кишини ташкил этмоқда, деб хабар беради Tengrinews.

Коронавирусга чалиниш бўйича янги ҳолатлар қуйидаги ҳудудларда аниқланган:

• Олмаота шаҳри — 6895 (+217);
• Нур-Султон шаҳри — 6357 (+180);
• Атирау вилояти — 7150 (+336);
• Қарағанда вилояти — 5790 (+120);
• Чимкент шаҳри — 3769 (+49);
• Ғарбий Қозоғистон вилояти — 3699 (+99);
• Олмаота вилояти — 2939 (+108);
• Шарқий Қозоғистон вилояти — 2547 (+121);
• Туркистон вилояти — 2106 (+27);
• Ақтўбе вилояти — 1988 (+49);
• Жамбил вилояти — 1971 (+48);
• Манғистов вилояти — 1794 (+52);
• Ақмўла вилояти — 1581 (+34);
• Қизилўрда вилояти — 1578 (+63);
• Шимолий Қозоғистон вилояти — 1532 (+50);
• Павлодар вилояти — 1616 (+52);
• Костанай вилояти — 1435 (+121).

Бутун мамлакат бўйлаб коронавирусга чалинганлар сони 54 747 кишига етган. Ҳозирга қадар 31 815 киши соғайган, 264 киши вирус қурбонига айланган. 9 июль маълумотларига кўра, Қозоғистонда коронавирусдан соғайганлар сони 35 137 кишига етгани тўғрида хабар берилганди.Қирғизистонда 9 июль ҳолатига кўра яна 511 кишида коронавирус инфекцияси аниқланди. Бу ҳақда мамлакат Соғлиқни сақлаш вазирлигига таяниб Kloop хабар берди.

Коронавирусга чалинган янги касалларнинг 260 нафари Бишкек шаҳри ҳисобига тўғри келмоқда. Шунингдек, қуйидаги ҳудудларда ҳам коронавирус билан касалланиш бўйича янги ҳолатлар қайд этилган:

• Чуй вилояти — 104;
• Ўш вилояти — 20;
• Ўш шаҳри — 27;
• Иссиқкўл вилояти — 26;
• Жалолобод вилояти — 29;
• Норин вилояти — 26;
• Боткен вилояти — 16;
• Талас вилояти — 3.

Бутун мамлакат бўйлаб COVID-19 билан касалланганлар сони 9358 кишига етди, уларнинг 122 нафари вирус қурбонига айланган. Ҳозирга қадар 3134 нафар бемор даволанган.Афғонистонда ўтган бир сутка ичида яна 314 кишида коронавирус аниқланди. Бу ҳақда Жонс Ҳопкинс университети маълумотларида келтирилган.

Мамлакат Соғлиқни сақлаш вазирлигининг маълумотларига кўра, Афғонистонда коронавирусга чалинганлар сони 33 908 кишини ташкил этмоқда.

Бутун мамлакат бўйлаб коронавирусдан ҳозирга қадар 20 847 бемор тузалди. Ўтган бир сутканинг ўзида 147 киши соғайган. Умумий ҳисобда 957 киши касаллик оқибатида вафот этган.

Тожикистонда коронавирус билан касалланганлар сони 6410 кишига етди, деб хабар берди «РИА Новости». Ўтган сутка давомида яна 46 кишида коронавирус аниқланган.

Мамлакатда ўтган бир сутка ичида 56 кишига шифохонадан жавоб берилган. Тожикистонда ҳозирга қадар 54 киши COVID-19 қурбонига айланган, 5087 (79 фоиз) бемор соғайган. Айни вақтда 210 нафар бемор стационарларда қолмоқда.

Ўзбекистонда 2020 йил 10 июль соат 10:00 ҳолатига кўра, коронавирус инфекцияси билан касалланганлар сони 11 723 нафарга етди. Айни пайтда Ўзбекистонда 7287 нафар коронавирус инфекциясига чалинган фуқаро соғайган, эпидемия бошланганидан бери жами 52 нафар бемор коронавирус инфекцияси асоратлари оқибатида ҳаётдан кўз юмган.