Sony компанияси ўз эгасининг кийимига қотириладиган ва уни иссиқдан ҳимоя қилишга мўлжалланган ихчам кондиционерини тақдим этди, деб хабар беради Hi-Tech.Mail.ru.

Кадр: YouTube

Sony Reon Pocket кондиционери махсус футболка билан ишлаш жараёнида тана ҳароратини 10-12 даража Цельсийга тушириб беришга қодир. Бу куннинг иссиқ вақтида совуш учун етарли ҳисобланади.

Қурилма иситиш ва совутиш функцияси учун Пельтье эффектидан фойдаланади — иккита ўтказгич орқали ток ўта бошласа уларнинг ҳар биридаги ҳарорат ўзгара бошлайди. Ундан нафақат ёзнинг иссиқ кунларида, балки қишда исиниш учун ҳам фойдаланса бўлади.

Қурилманинг ишлаш принципи оддий — махсус футболкани кийиш, «портатив» кондиционерни орқа томондаги ҳамёнга солиш ва смартфондаги илова орқали ҳароратни бошқариш мумкин. Қурилма автоматик равишда оптимал ҳароратни танлайди ва кийим остида танани совутади.

Ихчам ўлчамга эгалиги сабаб кондиционердан кун давомида фойдаланишнинг имконияти йўқ. Sony янги қурилма 2-4 соат ишлай олишини ваъда қилмоқда.

Sony Reon Pocket ҳозирда Японияда 120 доллар эвазига сотувга чиққан. Кондиционерга қўшимча равишда турли ранг ва ўлчамдаги махсус футболка 20 доллардан сотилмоқда.