Республика махсус комиссияси қарорига кўра, Ўзбекистонда 10 июлдан 1 августга қадар карантин чоралари кучайтирилмоқда. Шу сабабли бир қатор объектлар фаолияти, жумладан, парклар, буюм бозорлари, бассейнлар, мактабгача таълим ташкилотлари, умумий овқатланиш объектлари, болалар оромгоҳлар, пляжлар ва бошқа дам олиш масканлари фаолияти тўхтатилди.
Фото: «Дарё»
Шу билан биргаликда саноат ва йирик қурилиш объектлари фаолиятини давом эттиришига қуйидаги шартлар асосида рухсат берилди:
- тегишли объектлар ҳудуди тўлиқ карантинга олинади;
- объектлар ҳудудида санитария ва гигиена қоидаларига тўлиқ риоя этилиши таъминланади;
- санитария-эпидемиологик осойишталик марказлари билан биргаликда тегишли объектларда санитария-гигиена тадбирлари амалга ошириб борилади;
- объектларга кириш-чиқиш жойларини пирометрлар ва антисептик воситалар, дезинфексион «тўшак»лар билан жиҳозлаш;
- ходимлар томонидан ижтимоий масофа (2 метр)ни сақлаган ҳолда фаолият юритилишини таъминланади.
