Давлат хизматлари агентлиги жамоатчилик томонидан талаб юқори бўлган давлат хизматлари рўйхатини тақдим этди, деб хабар беради «Kun.uz».
Рўйхатдан 10 та давлат хизмати жой олган.
Агентлик директорининг матбуот котиби Севара Зокированинг қайд этишича, бугунги кунда ўзбекистонликлар томонидан талаб юқори бўлган 10 та давлат хизмати қуйидагилар:
- Давлат ва хўжалик бошқаруви органлари, маҳаллий давлат ҳокимияти органлари ҳамда тижорат банклари томонидан кўрсатиладиган барча турдаги хизматлардан эркин фойдаланишни таъминлайдиган электрон рақамли имзо сертификатини бериш;
- Судланганлик ҳақида маълумотнома бериш;
- СТИРни аниқлаш;
- Табий газни ҳисобга олиш ускунаси (ҳисоблагич)ни қайта қиёслаш кўригидан ўтказиш учун ариза бериш;
- Фуқароларга фарзанд туғилганда тўланадиган бир маротабалик нафақа пулини олиш учун мурожаат қилиш;
- Пенсия ва нафақалар миқдори тўғрисидаги маълумотнома бериш;
- Кўчмас мулк объектларига бўлган ҳуқуқни давлат рўйхатидан ўтказиш
- Кадастр паспортини келишиш;
- Фуқароларнинг Руҳий касалликлар бўйича диспансер ҳисобида туриши ёки турмаслиги тўғрисида маълумотнома бериш бўйича давлат хизмати;
- Фуқароларнинг Наркология диспансери ҳисобида туриши ёки турмаслиги тўғрисида маълумотнома бериш.
Аввалроқ Ўзбекистонда «суюнчи пули»ни бола туғилган кундан бошлаб 6 ой ичида ДХМга мурожаат қилиш орқали олиш мумкинлиги тўғрисида хабар берилганди.
Маълумот учун, бугунги кунда республикадаги шаҳар, шаҳарчалар, қишлоқлар ва овуллардаги маҳаллаларида Давлат хизматлари марказларининг жами 57 та филиаллари фаолият юритмоқда.
Изоҳ (0)