Трамп АҚШда аввал коммунистларни, сўнгра радикалларни мағлуб этишга ваъда берди

АҚШ ҳукумати мамлакатда тартибсизликларни юзага келтираётган радикаллар устидан ғалаба қозонишни ваъда қилмоқда. Бу ҳақда президент Дональд Трамп Оқ уйда АҚШ мустақиллиги куни муносабати билан ўтказилган тадбирда айтиб ўтган.

«Биз қаҳрга тўла оломоннинг ҳайкалларимизни оёқости қилишига, тарихнинг устидан кулишига, болаларимизнинг онгига салбий таъсир кўрсатиб, озодликка таҳдид қилувчиларнинг ушбу ҳаракатларига қараб тура олмаймиз», — дея Трампнинг сўзларини келтирган The New York Times.

АҚШ етакчисининг сўзларига кўра норозилик билдираётганлар адолат қарор топишидан манфаатдор эмас.

Трамп ўз нутқи давомида миллатчиларни енгган Америка қаҳрамонларини эслаб ўтган: унинг қайд этишича улар фашистлар ва коммунистларни мағлуб этган, Америка манфаатларини ҳимоя қилган, шунингдек, ернинг бир бурчагига қочиб кетган қочоқларни охиригача таъқиб қилган (The Hill нашри келтирган иқтибос).

Трампнинг таъкидлашича АҚШ сўл радикаллар, марксистлар, анархистлар, тарғиботчилар, мародёрларнинг ва «нима қилаётгани ҳақида умуман тушунчаси йўқ одамларни» тор-мор қилишга яқин турибди.

Аввал Дональд Трамп Жанубий Дакота штатидаги Рашмор тоғидаги хотира майдонида нутқ сўзлаб АҚШ миллий қаҳрамонлар ҳамда тарихни вайрон қилишга қаратилган шафқатсиз кампания гувоҳига айланганини қайд этганди. Президентнинг айтишича «сўл фашизми» тарафдорлари ушбу йўл орқали «Америка революциясини» бошлаб АҚШдаги тузумни ўзгартиришга уринмоқда.

Май ойи охирида АҚШда ва кейинроқ бошқа мамлакатларда Black Lives Matter («Қора танлиларнинг ҳаёти аҳамиятга эга») шиори остидаги норозилик намойишлари бошланган. Ушбу тартибсизликларга Миннеаполисда афроамерикалик Жорж Флойднинг полициячилар томонидан қийноққа солиниши ва касалхонада вафот этиши сабаб бўлган. Норозиликлар кўплаб шаҳарларда зўравонлик ҳаракатлари, ўғриликлар, тўқнашувлар содир бўлишига олиб келди, иштирокчилар қулдорлик ва расизмга алоқадорлиги гумон қилинган тарихий шахсларнинг ҳайкаллари вандаллар ҳужумига учради. Хусусан, турли штатларда Христофор Колумбнинг бир нечта ҳайкали «бошсиз» қолдирилди.

Шундан кейин Трамп ҳайкалларга нисбатан ҳар қандай вандализм ҳаракатларини амалга оширган фуқароларни ҳибсга олишга рухсат берди. Шунингдек, вандалларни узоқ муддатга қамаш кўзда тутилган фармонни имзолаган.