Коронавирусга қарши кураш бўйича тезкор штабнинг 6 июль кунги маълумотларига кўра, Россияда сўнгги суткада коронавирусга чалиниш бўйича 6611 та янги ҳолат қайд этилди, деб хабар бермоқда Meduza.
Бир кун аввал бу кўрсаткич 6736 нафарни ташкил этганди. Мамлакатда умумий ҳисобда 687 862 кишида коронавирус қайд этилган.
Касалланиш ҳолатларининг энг кўпи Москва шаҳри (685 киши), Москва вилояти (292 киши), Санкт-Петербург (262 киши), Ханти-Мансийск автоном округида (289 киши) аниқланган.
Сўнгги суткада COVID-19 беморларининг 135 нафари вафот этган. Эпидемия бошланганидан буён Россияда 10 292 киши вирус қурбони бўлган.
Тузалганларнинг умумий сони эса 454 329 кишини ташкил қилмоқда, сўнгги суткада беморларнинг 3579 нафари соғайиб, касалхонадан жавоб берилган.
Мамлакатда коронавирусни аниқлаш бўйича сутка давомида 265 мингта, умумий ҳисобда эса 19,8 миллионта тест ўтказилган.
Эслатиб ўтамиз, Россия коронавирусга чалинганлар сони бўйича май ойидан буён дунёда учинчи ўринда бўлиб келаётганди. Энди эса бу ўринни касалланганлар сони 697 413 кишига етган Ҳиндистон эгаллади.
Изоҳ (0)