Koronavirusga qarshi kurash bo‘yicha tezkor shtabning 6-iyul kungi ma’lumotlariga ko‘ra, Rossiyada so‘nggi sutkada koronavirusga chalinish bo‘yicha 6611 ta yangi holat qayd etildi, deb xabar bermoqda Meduza.
Bir kun avval bu ko‘rsatkich 6736 nafarni tashkil etgandi. Mamlakatda umumiy hisobda 687 862 kishida koronavirus qayd etilgan.
Kasallanish holatlarining eng ko‘pi Moskva shahri (685 kishi), Moskva viloyati (292 kishi), Sankt-Peterburg (262 kishi), Xanti-Mansiysk avtonom okrugida (289 kishi) aniqlangan.
So‘nggi sutkada COVID-19 bemorlarining 135 nafari vafot etgan. Epidemiya boshlanganidan buyon Rossiyada 10 292 kishi virus qurboni bo‘lgan.
Tuzalganlarning umumiy soni esa 454 329 kishini tashkil qilmoqda, so‘nggi sutkada bemorlarning 3579 nafari sog‘ayib, kasalxonadan javob berilgan.
Mamlakatda koronavirusni aniqlash bo‘yicha sutka davomida 265 mingta, umumiy hisobda esa 19,8 millionta test o‘tkazilgan.
Eslatib o‘tamiz, Rossiya koronavirusga chalinganlar soni bo‘yicha may oyidan buyon dunyoda uchinchi o‘rinda bo‘lib kelayotgandi. Endi esa bu o‘rinni kasallanganlar soni 697 413 kishiga yetgan Hindiston egalladi.
Izoh (0)