Австралияда коронавирус туфайли юз йилда биринчи марта штатлараро чегара ёпилди

Австралияда юз йил ичида биринчи маротаба энг зич жойлашган икки штат — Янги Жанубий Уэльс ва Виктория чегаралари ёпилди, деб хабар бермоқда Reuters.

Бундан аввал штатлараро чегаралар 1919 йилда «испан гриппи» пандемияси даврида ёпилган.

Бу сафар чегараларни ёпиш тўғрисида қарор коронавирус туфайли қабул қилинди.

Виктория пойтахти Мельбурнда охирги суткада COVID-19’га чалиниш бўйича 127 та янги ҳолат қайд этилди, бу коронавирус пандемияси бошлангандан бери энг юқори кўрсаткичдир.

Янги Жанубий Уэльс штати расмийларининг таъкидлашича, ҳозирча чегаранинг қачон очилиши маълум эмас.

6 июль ҳолатига кўра, Австралияда инфекцияни юқтириб олиш бўйича 8583 та ҳолат қайд этилган — бу аҳолининг зичлиги ва соғлиқни сақлаш даражалари ўхшаш бошқа мамлакатларга қараганда анча кам.

Шу вақтга қадар Австралияда қаттиқ карантин чоралари қўлланилмаётганди.