Россия Гидрометеорология маркази Москва шаҳри ва вилоятида жазирама иссиқ туфайли об-ҳаво хавфининг «оловранг» даражасини эълон қилди. Бу ҳақда «РИА Новости» хабар бермоқда.
Қайд этилишича, «оловранг» хавфли об-ҳаво ҳисобланади. Бу табиий офатлар ва зарар етказиш эҳтимоли борлигини англатади.
Москвада бундай огоҳлантириш 7 июль соат 11:00 дан бошлаб соат 16:00 гача давом этади. Шу куни ҳаво ҳарорати 33 даражагача кўтарилиши мумкин.
Москва вилоятида эса тегишли огоҳлантириш 7 июль соат 13:00 дан соат 17:00 гача давом этади. Ҳаво ҳарорати 35 даражагача исиши мумкин.
Бундан ташқари, Москва вилоятида шамол (тезлиги секундига 22 метргача етиши мумкин), момақалдироқ ва ёмғир туфайли об-ҳаво хавфининг «сариқ» даражаси эълон қилинган. Огоҳлантириш 7 июль соат 13:00 дан 8 июль соат 15:00 гача давом этади.
Москва шаҳрида эса об-ҳаво хавфининг сариқ даражаси фақат шамол тезлиги кучайиши (секундига 17 метрга етиши мумкин) туфайли эълон қилинган бўлиб, огоҳлантириш 7 июль соат 18:00 дан 8 июлга ўтар кечасигача амал қилади.
Изоҳ (0)