Rossiya Gidrometeorologiya markazi Moskva shahri va viloyatida jazirama issiq tufayli ob-havo xavfining “olovrang” darajasini e’lon qildi. Bu haqda “RIA Novosti” xabar bermoqda.
Qayd etilishicha, “olovrang” xavfli ob-havo hisoblanadi. Bu tabiiy ofatlar va zarar yetkazish ehtimoli borligini anglatadi.
Moskvada bunday ogohlantirish 7-iyul soat 11:00 dan boshlab soat 16:00 gacha davom etadi. Shu kuni havo harorati 33 darajagacha ko‘tarilishi mumkin.
Moskva viloyatida esa tegishli ogohlantirish 7-iyul soat 13:00 dan soat 17:00 gacha davom etadi. Havo harorati 35 darajagacha isishi mumkin.
Bundan tashqari, Moskva viloyatida shamol (tezligi sekundiga 22 metrgacha yetishi mumkin), momaqaldiroq va yomg‘ir tufayli ob-havo xavfining “sariq” darajasi e’lon qilingan. Ogohlantirish 7-iyul soat 13:00 dan 8-iyul soat 15:00 gacha davom etadi.
Moskva shahrida esa ob-havo xavfining sariq darajasi faqat shamol tezligi kuchayishi (sekundiga 17 metrga yetishi mumkin) tufayli e’lon qilingan bo‘lib, ogohlantirish 7-iyul soat 18:00 dan 8-iyulga o‘tar kechasigacha amal qiladi.
Izoh (0)