Турк киносаноатининг мухлислари учун машҳур актёр ва актрисалар ижросида қандай фильмлар суратга олиниши кутилаётгани ҳақида маълумот берамиз.
«Илоҳий тартиб»
Кузда экран юзини кўриши режалаштирилаётган «Илоҳий тартиб» тарихий сериали қизиқарли ва ўзига хос бўлиши кутилмоқда. Фильм сценарийси «Эртуғрул: Тирилиш» сценарийси муаллифи Сердар Ўзаналан томонидан ёзилган. Сюжет Буюк Салжуқийлар давлати ва Ҳасан Саббаҳ ўртасидаги кураш ҳақида ҳикоя қилади. Унда асосий роллардан бирини Бугра Гулсой ижро этади.
«Агентимга қўнғироқ қилинг»
Мазкур сериал худди шу номли француз сериалининг ремейки бўлади. Воқеалар ривожи нуфузли актёрлик агентлиги фаолияти билан боғлиқ бўлади. Унга кўра, агентлик бошқарувчилари мижозлари билан шартнома тузилиши учун ҳар нарсага қўл уради. Сериални томоша қилиш орқали машҳурликка эришиш осон эмаслигига гувоҳ бўлиш мумкин. Энг қизиғи эса сериалнинг ҳар бир қисмида турк юлдузлари ўз ролларини ижро қилади. Бошидаги қисмларда Туба Буюкустун ва Халит Эргенч пайдо бўлиши кутилмоқда.
«Барбаросса»
2020 йил кузининг энг кутилган сериалларидан бири бўлган «Барбаросса»да ўзбек томошабинларига «Ичкарида» сериалидаги Сарп роли билан яхши таниш бўлган Чагатай Улусой бош қаҳрамонни гавдалантиради. Тарихий жанрда суратга олиниши кутилаётган ушбу фильмда роль ижро қилиш учун Чагатай аллақачон тайёргарликни, вазн тўплаш ва соқол қўйишни бошлаб юборган. Сюжет аввалида қароқчилик билан шуғулланган турк флотининг бош қўмондони билан боғлиқ вазиятлар гавдалантирилади.
Изоҳ (0)