“Шрек-2” — 150 миллион доллар
Қизиқарли ва кулгили воқеалар ривожидан ташкил топган мультфильмнинг иккинчи қисмида қаҳрамонларга юлдузлардан — Майк Майерс, Эдди Mёрфи ва Кемерон Диас овоз берган. “Шрек-2” экран юзини кўрган илк дам олиш кунларининг ўзида 108 миллион доллар даромад келтирган.
“Қаҳрамонлар шаҳри” — 165 миллион доллар
Мультфильмга сарфланган маблағ миқдори кўпчиликни ҳайратга солиши ажаб эмас. Лекин рақобатбардош, томошабин эътиборини жалб қилиш учун максимал ҳаракат қилинмасликнинг иложи ҳам йўқ. 2014 йилда тақдим қилинган мультфильм, энг яхши тўлиқ метражли анимацион фильм номинацияси бўйича Оскар мукофотига лойиқ топилган.
“Ралф” — 165 миллион доллар
Мультфильм премьераси 2012 йилда бўлиб ўтганига қарамай, унинг устида 80 йилларда иш бошланган. Ушбу факт мазкур мультфильмининг Disney тарихидаги энг узоқ муддатда ишлаб чиқарилганидан дарак беради. Ажратилган бюджетдаги маблағнинг асосий қисми техника учун сарфланган бўлиб, айнан “Ралф”да илк марта виртуал кино олиш тизими синовдан ўтказилган.
“Тепага ” — 175 миллион доллар
Мультфильм қаҳрамонининг уйи билан бирга Жанубий Америкага учишини тасвирлаш учун, режиссёр Питер Доктер, Pixarънинг 11 нафар рассоми билан биргаликда Венесуэлага жўнаган. Ишонарли чиқиши ва чизмалар аниқ бўлиши учун жамоа анча тер тўкишига тўғри келган. Воқеалар ривожи мукаммал бўлиши учун физик қонуниятлар инобатга олиниб, RenderMan дастуридан фойдаланган ҳолда ўзига хос мультфильм яратилган.
“Бошқотирма” — 175 миллион доллар
Ушбу мультфильм, бир вақтлар Стив Жобс томонидан асос солинган Pixar компаниясининг ижод маҳсули ҳисобланади. Сюжетга кўра, қизалоқ онгидаги ҳиссиётлар одамлар кўринишида бўлади. Уларнинг эмоциялари, ранглар ва ҳаракатларини мукаммал ифодалаш компанияга 175 миллион долларга тушган.
“Коко сири” — 175 миллион доллар
Мазкур мультфильм ҳам Pixarъга тегишли. Компания компьютер анимация ривожига киносаноатдаги бошқа компания ёки студиядан кўпроқ ҳисса қўшган ҳисобланади. Компания арсеналига мансуб, энг муваффақиятли ижод маҳсулидан бири “Коко сири” мультфильми ҳисобланади. Мультфильмда анимацияда тасвирлаш мураккаб бўлган икки вазифа — скелет ва воқеалар ривожи акс этадиган тун қисмини аниқ ва тиниқ қилиб акс эттириш уддасидан чиқилган.
Мавзуга доир:
Изоҳ (0)