«Ўзметкомбинат» ва «Ўзиккиламчиранглиметалл»нинг металл парчаларини тайёрлаш бўйича монополияси бекор қилинади

Рақобат муҳитига салбий таъсир кўрсатадиган айрим хўжалик юритувчи субъектларга берилган эксклюзив ҳуқуқлар, индивидуал солиқ ва божхона имтиёзлари, преференсияларни бекор қилишни кўзда тутувчи қарор лойиҳаси муҳокамага қўйилди.

Қарор лойиҳасига кўра, рақобат муҳитига салбий таъсир кўрсатувчи алоҳида хўжалик юритувчи субъектларга бериладиган мутлақ ҳуқуқлар, индивидуал солиқ ва божхона имтиёзлари, преференсияларни бекор қилишни назарда тутувчи Ўзбекистон Республикаси Президентининг ва ҳукуматининг айрим ҳужжатларига ўзгартириш ва қўшимчалар киритилади.

Хусусан, «Ўзметкомбинат» АЖ ва «Ўзиккиламчиранглиметалл» АЖнинг қора ва рангли металларнинг парчалари ва чиқиндиларини тайёрлаш (сотиб олиш) бўйича монопсонияси (мутлақ сотиб олувчининг ҳуқуқи) бекор қилинади.

• «Ўзметкомбинат» АЖ ва «Ўзиккиламчиранглиметалл» АЖ таркибидан ихтисослаштирилган қора ва рангли металларнинг парчалари ва чиқиндиларини қабул қилиш пунктларни зарур транспорт ва махсус техника, асбоб-ускуна, бино, иншоот ва инфратузилмалар билан ажратиш йўли билан қора ва рангли металларнинг парчалари ва чиқиндиларини сотиб олиш бўйича мустақил корхона ташкил этиш;
• янги ташкил этилган корхона томонидан қора ва рангли металларнинг парчалари ва чиқиндиларини фақат биржа савдоларида барча металлдан ишланган буюмларни ишлаб чиқарувчиларнинг хом ашёларга тенг кириши таъминлаган ҳолда сотилиши;
• хўжалик юритувчи субъектлар учун ишлаб чиқариш фаолияти натижасида ҳосил бўлган қора ва рангли металларнинг парчалари ва чиқиндиларини ўз қувватлари билан ёки тегишли қора ва рангли металларни ишлаб чиқарадиган ихтисослашган корхоналарда маҳсулотни қайтариш асосида қайта ишлашга бўлган чекловларни олиб ташлаш.

• қонун ҳужжатларига ушбу фармондан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритади;
• ўзлари қабул қилган норматив-ҳуқуқий ҳужжатларни ушбу фармонга мувофиқлаштиради.