Raqobat muhitiga salbiy ta’sir ko‘rsatadigan ayrim xo‘jalik yurituvchi subyektlarga berilgan eksklyuziv huquqlar, individual soliq va bojxona imtiyozlari, preferensiyalarni bekor qilishni ko‘zda tutuvchi qaror loyihasi muhokamaga qo‘yildi.
Qaror loyihasiga ko‘ra, raqobat muhitiga salbiy ta’sir ko‘rsatuvchi alohida xo‘jalik yurituvchi subyektlarga beriladigan mutlaq huquqlar, individual soliq va bojxona imtiyozlari, preferensiyalarni bekor qilishni nazarda tutuvchi O‘zbekiston Respublikasi Prezidentining va hukumatining ayrim hujjatlariga o‘zgartirish va qo‘shimchalar kiritiladi.
Xususan, “O‘zmetkombinat” AJ va “O‘zikkilamchiranglimetall” AJning qora va rangli metallarning parchalari va chiqindilarini tayyorlash (sotib olish) bo‘yicha monopsoniyasi (mutlaq sotib oluvchining huquqi) bekor qilinadi.
O‘zbekiston Respublikasining Iqtisodiy rivojlanish va kambag‘allikni qisqartirish vazirligi Davlat aktivlarini boshqarish agentligi va Monopoliyaga qarshi kurashish qo‘mitasi bilan birgalikda bir oy muddatda O‘zbekiston Respublikasi Vazirlar Mahkamasiga bozor tamoyillariga muvofiq takomillashtirilgan qora va rangli metallarning parchalari va chiqindilarini tayyorlash (sotib olish) tartibi quyidagilarni nazarda tutgan holda kiritiladi:- “O‘zmetkombinat” AJ va “O‘zikkilamchiranglimetall” AJ tarkibidan ixtisoslashtirilgan qora va rangli metallarning parchalari va chiqindilarini qabul qilish punktlarni zarur transport va maxsus texnika, asbob-uskuna, bino, inshoot va infratuzilmalar bilan ajratish yo‘li bilan qora va rangli metallarning parchalari va chiqindilarini sotib olish bo‘yicha mustaqil korxona tashkil etish;
- yangi tashkil etilgan korxona tomonidan qora va rangli metallarning parchalari va chiqindilarini faqat birja savdolarida barcha metalldan ishlangan buyumlarni ishlab chiqaruvchilarning xomashyolarga teng kirishi ta’minlagan holda sotilishi;
- xo‘jalik yurituvchi subyektlar uchun ishlab chiqarish faoliyati natijasida hosil bo‘lgan qora va rangli metallarning parchalari va chiqindilarini o‘z quvvatlari bilan yoki tegishli qora va rangli metallarni ishlab chiqaradigan ixtisoslashgan korxonalarda mahsulotni qaytarish asosida qayta ishlashga bo‘lgan cheklovlarni olib tashlash.
- qonun hujjatlariga ushbu farmondan kelib chiqadigan o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritadi;
- o‘zlari qabul qilgan normativ-huquqiy hujjatlarni ushbu farmonga muvofiqlashtiradi.
Izoh (0)