Халқ таълими вазири Шерзод Шерматов ижтимоий тармоқда эълон қилган Тошкентдаги янги таъмирланган мактаблар ҳақидаги видеороликдан кейин «Қачон вилоятда бўлади?» деб қолдирилган изоҳларга жавоб берди.
Вазир ўз постида Наманганда ҳокимнинг таълимга эътибор қаратиши натижасида 2 йилда сезиларли ўзгаришлар амалга оширилганини айтиб ўтган. Жумладан, Шерматов республика бўйлаб амалга оширилган ўзгаришларни санаб ўтган:
- 2018/2019 йилларда 9 та янги мактаб қурилди, 85 та таъмирланди, уларга ажратилган маблағлар 2015/2016 йиллардагига қараганда 4 баробардан ортган;
- 183 та мактаб «буржуйка» печларидан халос бўлган;
- 165 та мактаб ичимлик суви билан таъминланган;
- барча таъмирталаб мактаб ҳожатхоналарини янгидан қуриш ёки таъмирлаш учун ҳомийлар бириктирилган.
Агар таълим масъулларини эшитиб, мактабларда камчилик бўлса маблағ билан ёрдам бериш ўрнига ҳокимлар ўзинг ҳал қил дейдиган бўлса, унда жойлардаги таълим мутасаддилари муаммони беркитишга ёки ўқитувчи ва ота-оналардан ноқонуний пул йиғиш орқали мавжуд муаммоларни ҳал этишга ҳаракат қиладилар.
Албатта, Наманган мактабларида ҳамма масала ҳал бўлди, деган фикрдан анча йироқмиз. Ҳали қилиниши керак бўлган ишлар жуда кўп. Ўзим аввал борган мактабларнинг ҳали анчасига маблағ етмаганлиги туфайли таъмирланмаганлигига ҳам гувоҳ бўлдим. Сабаби ажратилган маблағлар ундан-да ёмон мактабнинг таъмирига йўналтирилган. Кўп масала иқтисодий аҳволимиз ва молиявий ресурсларга боғлиқлигини ҳаммамиз биламиз.
Шунинг учун ҳокимларимиз ва сектор раҳбарлари жойлардаги мактабларимиз шароитларини яхшилашга ҳақиқий ёрдамларини аямайдилар, деб умид қиламиз», – деб ёзади Шерзод Шерматов.
Аввалроқ Шерзод Шерматов мактаб битирувчиларининг ОТМга кириш даражаси паст бўлган туман мутасаддиларига чора кўрилишини айтган эди.
Мавзуга оид:
Изоҳ (0)