Бош прокуратура ижтимоий тармоқларда Ички ишлар вазирлиги Жазони ижро этиш Бош бошқармасининг 64/18-сонли муассасаси (Сангород)да маҳкум Фаррух Хидировнинг қийноқлардан вафот этгани ҳақида тарқалган хабарлар юзасидан изоҳ берди.
Аниқланишича, маҳкум Хидиров Фаррух Анварович 2020 йил 3 июнь куни Навоий вилоятида жойлашган 11-сонли жазони ижро этиш колониясидан даволаниш учун Ўзбекистон Республикаси ИИВ Жазони ижро этиш Бош бошқармасининг маҳкумлар учун ихтисослаштирилган касалхонасига келтирилиб, сил касалликлар бўлинмасига даволаниш учун жойлаштирилган.Эслатиб ўтамиз, «Эзгулик» инсон ҳуқуқларини ҳимоя қилиш ташкилоти раҳбари Абдураҳмон Ташанов Facebook’даги саҳифасида Фаррух Хидиров мурдаси тасвирга туширилган видеони эълон қилганди (ҳозирда ушбу пост Facebook томонидан ўчириб қўйилган). Ҳуқуқ фаоли колонияда ваҳшийларча қийноқларга солингани оқибатида Фаррух Хидиров вафот этганини билдирган ҳамда Сенат раиси, Бош прокуратура ва ИИВ раҳбариятидан изоҳ талаб қилганди.2020 йил 18 июнь куни соат 05:45 да шифокорлар томонидан кўрсатилган тиббий ёрдамга қарамай у вафот этган.
Маҳкум Фаррух Хидиров 1975 йилда Тошкент вилоятининг Янгийўл шаҳрида туғилган. Муқаддам тўрт маротаба судланган.
Сўнгги, яъни 5-маротаба 2010 йил 18 октябрда жиноят ишлари бўйича Янгийўл шаҳар суди томонидан Ўзбекистон Республикаси Жиноят кодексининг қатор моддалари билан айбдор деб топилиб, 11 йил муддатга озодликдан маҳрум қилиниб, ўта хавфли рецидивист деб топилган.
Шифокорларнинг берган тиббий хулосасига кўра, марҳум маҳкум Фаррух Хидиров иккала ўпка яллиғланган сили, сурункали вирусли гепатит (C), ўпка юрак етишмовчилиги ҳамда бошқа бир қатор инсон ҳаёти учун ўта хавфли бўлган касалликларга чалинган бўлиб, уларнинг аксарияти унинг саломатлигига бир мунча аввалроқ жиддий салбий таъсир ўтказиб юборган.
Хусусан, унинг шифохонада вафотига юқорида кўрсатиб ўтилган инсон ҳаёти учун ўта хавфли касалликларнинг сурункали кучайиши оқибатида юзага келган асоратлар сабаб бўлган.
Маҳкум Фаррух Хидировнинг ўлими ҳолати юзасидан Тошкент махсус прокуратураси томонидан терговга қадар текширув ҳаракатлари ўтказилиб, унинг вафот этганлиги ҳолатида бирор-бир шахснинг ҳаракатларида жиноят аломатлари аниқланмаганлиги сабабли 2020 йил 26 июнда жиноят иши қўзғатишни рад этиш тўғрисида қарор қабул қилинган.
Ўз навбатида Ўзбекистон қонунчилигида ёлғон ва нотўғри ахборотларни тарқатганлик учун тегишли жавобгарлик белгиланганлигини, шунингдек, ҳар бир фуқаро ўз ҳуқуқлари қаторида мажбуриятларини ҳам тўлиқ англаб етиши лозимлигини билдириб ўтамиз.
Бош прокуратура
Вазиятга тезкорлик билан изоҳ берган ИИВ Фаррух Хидиров ўпка сили IV клиник босқичи (лимфа тугунлари тарқоқ катталашиши, орофаренгиал кандидоз, номаълум этиологияли узоқ давом этувчи иситма, тана вазни келганга нисбатан 10% дан ортиқ камайиши, диарея) ташхисига кўра вафот этгани, видеода кўринаётган қизаришлар бу мурда доғи бўлиб, тан-жароҳатларига алоқаси йўқлигини билдирганди.
Шунингдек, ИИВ ахборот хизмати ушбу ҳолат юзасидан текширув ишлари олиб борилаётгани, натижаси ҳақида қўшимча маълумот берилишини маълум қилган.
Изоҳ (0)