Ўзбекистон Президентининг «Табиатни муҳофаза қилиш давлат муассасаси шаклидаги Китоб геология миллий табиат боғини ташкил этиш тўғрисида»ги қарори қабул қилинди. Бу ҳақда Адлия вазирлиги хабар берди.
Қарорга мувофиқ, Қашқадарё вилояти Китоб туманидаги Китоб давлат геологик қўриқхонаси давлат муассасаси негизида табиатни муҳофаза қилиш давлат муассасаси шаклидаги Китоб геология миллий табиат боғи ташкил этилади. Бу бўйича тегишли ҳукумат қарори қабул қилинади.
Маълумот учун, давлат қўриқхоналари табиий объектлар ва мажмуаларни муҳофаза қилишнинг қаттиқ режимига эга бўлади, унинг ҳудудида илмий-тадқиқот фаолияти ва атроф табиий муҳит мониторингини юритишдан ташқари ҳар қандай фаолият тақиқланади
Табиат боғларининг ҳудудлари зоналарга ажратилган бўлиб, айрим зоналарида аҳолининг истиқомат қилишига, юридик ва жисмоний шахсларнинг табиий объектлар ва мажмуаларга зарар етказмайдиган фаолиятига йўл қўйилади.
Эслатиб ўтамиз, 2019 йилнинг ноябрь ойида Китоб туманидаги Китоб давлат геологик қўриқхонасини Китоб миллий геология боғига айлантириш ҳақидаги Вазирлар Маҳкамаси қарорининг лойиҳаси жамоатчилик муҳокамаси учун эълон қилинганди.
Изоҳ (0)