Германиядаги Environmental Action Germany экологик ташкилоти шаҳар шароитида ҳайдаш ноқулай бўлган автомобиллар рўйхатини тақдим этди. Рейтингдан BMW, Range Rover, Mercedes-Benz моделлари ҳам ўрин олган, деб ёзади Duh.
Экологларнинг танқидига, асосан, қуйидаги йўлтанламас ва кроссоверлар учраган: BMW Х7 М50i, Range Rover Sport SVR, Audi Q7 Plug-In, Volkswagen Amarok Aventura ва Mercedes-Benz GLS.
Мутахассисларнинг ҳисоблашича, мазкур транспорт воситаларидан шаҳар шароитида фойдаланиш ноқулай, шунингдек, улар атроф-муҳитга катта зарар етказади. Экомутахассислар ҳар бир автомобилга изоҳ берар экан, уларнинг ёқилғи сарфи ва ҳавога чиқарадиган зарарли моддалари даражаси ҳақида маълумот бериб ўтган.
Масалан, BMW Х7 М50i 100 километр масофага 15 литр ёқилғи сарфлайди. Автомобиль ҳар бир километрга 357 грамм карбонат ангидрид чиқаради. Бундан ташқари, машина ўлчамлари оддий гаражларга мўлжалланмаган.
Шунингдек, Range Rover Sport SVR ҳам экологияга жиддий зарар етказади — 390 грамм зарарли газ. Бу амалдаги нормалардан тўрт баробарга кўп демак.
Audi Q7 Plug-In’нинг кўрсаткичлари ҳам жуда ёмон — километрига 302 грамм.
Volkswagen Amarok Aventura дизель пикапининг двигатели эскирган «Евро-6» нормаларига мос келгани учун «ифлос» деб аталди. Экспертлар, шунингдек, унинг ўлчамлари ва ҳаво чиқарадиган карбонат ангидрид (276 грамм) миқдоридан ҳам норози.
Антирейтингдан Mercedes-Benz GLS ҳам ўрин олган. Ушбу моделдан ҳавога чиқадиган зарарли газлар миқдори — километрига 459,3 граммга тенг.
Аввалроқ Россиядаги энг қулай автомобиллар рейтинги тузилгани тўғрисида хабар берилганди. Унда энг қулай автомобиль дея Mercedes-Benz танланган эди.
Изоҳ (0)