Фарғона вилоятининг Учкўприк туманида иккита Damas иштирокида йўл транспорт ҳодисаси содир бўлди. Бу ҳақда «Дарё»га вилоят ИИБ ахборот хизмати маълум қилди.
Хабарга кўра, 2020 йилнинг 27 июнь куни фуқаро М.Ш. бошқарувидаги Damas Учкўприк тумани Суюнчол қишлоғи ҳудудидан ҳаракатланиб келаётган Ю.Б. бошқарувидаги яна бир Damas автомашинаси билан тўқнашган.
Оқибатда Damas ҳайдовчиси М.Ш. тан жароҳати олиб шифохонада вафот этган. Шунингдек, ҳайдовчи Ю.Б., йўловчилар Н.З. ва М.Н.лар ҳам тан жароҳати олиб шифохонага ётқизилган.
Мазкур ҳолат юзасидан Учкўприк туман ИИБ ҳузуридаги тергов бўлинмаси томонидан Жиноят кодексининг 266-моддаси 2-қисми (Одам ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ҳозирда тергов ҳаракатлари олиб борилмоқда.
Изоҳ (0)