Mercedes-Benz компанияси краш-тестларда иштирок этадиган манекенлар ҳаётига бағишланган комедияли сериалнинг биринчи эпизодини тақдим этди. Биринчи қисм тормоз тизимининг синовига бағишланган.
«Бахтли кун» номини олган биринчи эпизод давомида томошабинлар Фред ва Том билан — Mercedes-Benz’нинг замонавий хавфсизлик тизимини синовдан ўтказувчи иккита манекен билан танишади. Фред кўплаб синов полигонларида бўлиб, барча мавжуд техник тестларни «бошидан ўтказган ветеран» бўлса, унинг Том исмли ҳамкасби эса ёш ва янги синовларни интиқлик билан кутмоқда.
Биринчи қисм тормоз тизимини синовдан ўтказишга бағишланади: синов вақтида на автомобиль ва на унинг иштирокчиларига шикаст етади. Бу каби ҳолат Фреднинг жаҳлини чиқаради, чунки у краш-тест манекени эканлигидан ғурурланади ва тўқнашувларни яхши кўради.
Ҳаракат вақтида автомобиль кескин тўхташни амалга оширган, бу эса унинг томоз тизими синовдан муваффақиятли ўтганини билдиради. Ўз навбатида Фред буни ҳаётидан энг ёмон кун деб атайди. Ёш Том эса уни тинчлантиришга уринади ва кейинги эпизодда иситувчи ўриндиқлар синовдан ўтказилишини маълум қилади.
Изоҳ (0)