Интернетда янги Hyundai Tucson моделининг интерьери сурати пайдо бўлди. Суратдан кўриш мумкинки, салон ичидан худди Tesla электрокарларидаги каби катта мультимедиа тизими планшети ўрнатилади, деб хабар қилади The Korean Car Blog.
Дастлаб кроссовер сурати The Korean Car Blog сайтида пайдо бўлган, бироқ янгилик тезда ўчириб ташланган. Шу сабабли сурат манбаси ҳозирда Австралиянинг Car Advice сайти бўлиб қолмоқда. Тахминларга кўра, бу Tucson’нинг Хитой бозори учун мўлжалланган махсус версияси бўлган.
Hyundai Tucson 2020 йилнинг охири ёки 2021 йилнинг бошларига бориб эски авлодни алмаштириши кутилмоқда. Кроссовер 3,0 литрли Theta3 турбомотори билан жиҳозланган бўлиб, саккиз поғонали автомат узатмалар қутиси билан бошқарилади. Шунингдек, модель биринчи бор электр қувватлантириш функцияли гибрид модификацияга эга бўлади. Гибрид нусхалари Европа бозорларига мўлжалланган.
Бундан ташқари, янги модель ичидан худди янги Elantra’ники каби 10,25 дюймли виртуал қурилмалар панели ва трансмиссия селекторининг тугмали «пульт»лари ўрин олган.
Hyundai компанияси тўртинчи авлод Tucson’ни синовдан ўтказишни бошлаган, бироқ бу муаммосиз ўтмаяпти. Май ойидаги тестларда кроссовер ҳаракат вақтида бешта ғилдирак гайкаларининг учтасини йўқотган.
Изоҳ (0)