Лондоннинг «Арсенал» клуби ҳужумчиси Пьер-Эмерик Обамеянг Англия Премьер Лигаси доирасида ўтказилган «Норвич»га қарши баҳсда (4:0) ўз номига дублни расмийлаштириб қўйди.
Шу тариқа 31 ёшли габонлик ҳужумчи ўзининг Премьер Лигадаги 50-голини урди. Мазкур натижани қайд этиш учун Обамеянгга 79 та ўйин керак бўлди. Opta’нинг хабар беришича, бу «Арсенал»даги янги рекордир. Бундан олдинги энг яхши натижа «тўпчилар»нинг собиқ ҳужумчиси Тьерри Анрига тегишли бўлган. У 83 та ўйинда 50 та гол урганди.
Обамеянг Премьер Лигада 50 та гол уриш учун энг кам ўйин ўтказган футболчилар орасида 6-поғонада бормоқда. Биринчи ўринни «Ньюкасл» ва «Манчестер Юнайтед» собиқ ҳужумчиси Энди Коул эгаллаб турибди — 65 та ўйин, 50 та гол.
«Арсенал» Обамеянгни 2018 йили 64 миллион эвазига «Боруссия Дортмунд»дан сотиб олган. У жорий мавсумда АПЛда 30 та ўйин ўтказиб, 19 та гол ва 3 та голга муаллифлик қилган.
Изоҳ (0)