Мадриднинг «Реал» клуби Испания чемпионатининг 33-туридан ўрин олган «Хетафе»га қарши учрашувда майдонга тушиши мумкин бўлган футболчилар рўйхатини эълон қилди.
Қайд этиш жоиз, рўйхатга 29 ёшли ҳужумчи Эден Азар киритилмади. Ҳозирча бельгиялик футболчининг нима сабабдан ўйинни ўтказиб юбориши ҳақида хабар берилмаган. Шунингдек, жароҳат олган ҳимоячи Начо ҳам мазкур ўйинда қатнаша олмайди.
«Реал» 32-турдан кейин 71 очко тўплаган ҳолда, мусобақа жадвалида 1-ўринда бормоқда. «Хетафе» эса 6-ўринда (52) жойлашган. Ўтган турда «Реал» сафарда «Эспаньол»ни 1:0 ҳисобида мағлубиятга учратган бўлса, «Хетафе» «Реал Сосьедад» устидан ғалаба қозонди (2:1).
Ушбу мавсумда Эден Азар барча мусобақаларда 19 та ўйинда майдонга тушиб, 1 та гол ва 7 та голли узатмага муаллифлик қилди. Азар 2019/2020 йилги мавсумда турли хил жароҳатлар туфайли «Реал»нинг 24 ўйинини (176 кун) ўтказиб юборди.
Эслатиб ўтамиз, «Реал» «Хетафе» учрашуви 2 июлдан 3 июлга ўтар кечаси соат 01:00 да бошланади.
Ўйин қайдномаси:
Дарвозабонлар: Тибо Куртуа, Алфонс Ареоля, Диего Алтубе.
Ҳимоячилар: Дани Карвахаль, Эдер Милитао, Серхио Рамос, Рафаэл Варан, Марсело, Ферлан Менди.
Ярим ҳимоячилар: Тони Кроос, Каземиро, Федерико Вальверде, Хамес Родригес, Лука Модрич, Иско.
Ҳужумчилар: Карим Бензема, Гарет Бэйл, Марко Асенсио, Лукас Васкес, Мариано Диас, Винисиус, Родриго, Браим Диас, Лука Йович.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)