Футбол бўйича Англия Кубоги ярим финал ўйинлари жадвали тасдиқланди.
1/2 финалдан ўрин олган ҳар иккала ўйин Лондондаги «Уэмбли» стадионида томошабинларсиз ўтказилади.
Унда «Манчестер Сити» 18 июль, шанба куни Тошкент вақти билан 23:45да «Арсенал» куч синашади. 19 июль, якшанба куни эса «Манчестер Юнайтед» «Челси» учрашуви ўтказилади. Беллашув соат 22:00 да (Тошкент вақти) бошланади.
Жуфтликлар ғолиблари 1 август санасида «Уэмбли»да бўлиб ўтадиган финал учрашувида тўқнаш келади.
Маълумот учун, мусобақанинг амалдаги ғолиби «Манчестер Сити» клуби ҳисобланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)