Илк бор 18 нафар ёш ходим «Халқ таълими аълочиси» кўкрак нишони билан тақдирланди

30 июнь – Ўзбекистон ёшлари куни муносабати билан 18 нафар ёш ходим Халқ таълими вазирлиги томонидан «Халқ таълими аълочиси» кўкрак нишони билан мукофотланди, дея хабар беради вазирлик ахборот хизмати.

Вазирлик бундай ҳолат илк бор содир бўлаётганини қайд этиб ўтган.

Халқ таълими вазири Шерзод Шерматов мукофотланганларни қутлаш жараёнида соҳада улар каби ёшлар фаолият юритаётганидан фахрланишини, бу нишон уларнинг келгуси фаолиятларида янада фаоллик кўрсатишларига ундашини ва уларнинг бунга муносибликларини қайд этиб ўтган.

Қайд этилишича, шу кунга қадар «Халқ таълими аълочиси» кўкрак нишони билан таълим тизимида 10 йилдан ортиқ фаолият юритаётган, аниқ натижаларга эришган, фаол тизим ходимлари тақдирланган.

30 июнь — Ўзбекистон ёшлари кунида «Халқ таълими аълочиси» кўкрак-нишони билан тақдирланганлар рўйхати:

1. Саъдуллаев Сарварбек Азимбоевич — Халқ таълими вазирлиги Мактабларни истиқболли моделлари ва давлат-хусусий шерикчилик бошқармаси бошлиғи;

2. Абдуллаев Акобир Шокир ўғли — Халқ таълими вазирлиги Ўқувчи ва ёшлар ташкилотлари билан ишлаш бошқармаси бошлиғи;

3. Аъзамова Муҳайёхон Аъзамхўжаевна — Халқ таълими вазирлиги Донор ва грантлар билан ишлаш бўлими бошлиғи;

4. Рашидов Ҳумoюн Ҳикматулла ўғли — Халқ таълими вазирлиги Маънавий-ахлоқий тарбия бошқармаси бошлиғи ўринбосари;

5. Ҳамидов Акмал Амруллоевич — Халқ таълими вазирлиги Умумий ўрта таълим муассасалари фаолиятини мувофиқлаштириш бошқармаси бош мутахассиси;

6. Маҳмудова Севара Акромовна — Халқ таълими вазирлиги Мактабдан ташқари таълим, спорт ва туризмни ташкил этиш бошқармаси бош мутахассиси;

7. Абдуллаев Фаррух Рустам ўғли — Республика таълим маркази Таълим сифати ва баҳолаш бўлими бошлиғи;

8. Матжанбаев Аллаяр Жангабаевич — Нукус шаҳар 34-сонли умумий ўрта таълим мактаби ёшлар етакчиси (Қорақалпоғистон Республикаси);

9. Мирзаев Муҳаммадазиз Эркинжон ўғли — Андижон шаҳар 28-сонли умумий ўрта таълим мактаби маънавий -маърифий ишлар бўйича директор ўринбосари (Андижон вилояти);

10. Ҳусанова Наргиза Ориповна — Ромитан тумани Халқ таълими бўлими она тили ва адабиёт фани услубчиси (Бухоро вилояти);

11. Тошбоева Флора Абдуғаффор қизи — Жиззах шаҳар 22-сонли ихтисослаштирилган давлат умумтаълим мактаби ёшлар етакчиси (Жиззах вилояти);

12. Шодмонов Ўктам Рустам ўғли — Қарши шаҳар 7-сонли умумий ўрта таълим мактаби ёшлар етакчиси (Қашқадарё вилояти);

13. Маматвалиев Самандар Алишер ўғли — Чортоқ тумани Халқ таълими бўлими Маънавий-ахлоқий тарбия ва болалар ижтимоий ҳимояси шўъба мудири (Наманган вилояти);

14. Нозимов Адҳамхўжа Комилжон ўғли — Оқдарё тумани 47-сонли умумий ўрта таълим мактаби маънавий-маърифий ишлар бўйича директор ўринбосари (Самарқанд вилояти);

15. Тўраев Жаҳонгир Ҳаким ўғли — Термиз шаҳар 5-сонли умумий ўрта таълим мактаби ёшлар етакчиси (Сурхондарё вилояти);

16. Баҳодирова Гулноза Абдурасуловна — Ангрен шаҳар 39-сонли умумий ўрта таълим мактаби директори (Тошкент вилояти);

17. Мамасолиев Жамшид Ҳабибулло ўғли — Бағдод тумани 5-сонли умумий ўрта таълим мактаби маънавий- маърифий ишлар бўйича директор ўринбосари (Фарғона вилояти);

18. Қурбонов Диёр Наримонович — Урганч тумани 7-сонли умумий ўрта таълим мактаби маънавий-маърифий ишлар бўйича директор ўринбосари (Хоразм вилояти).

Аввалроқ Президент фармони билан Ўзбекистон Ёшлар ишлари агентлиги ташкил этилгани, шунингдек, Ўзбекистонда «Ўқитувчилар ассоциацияси» ташкил этилиши ҳақида хабар берилган эди.