«Барселона» ҳужумчиси Лионель Месси Испания чемпионатининг 33-туридан ўрин олган «Атлетико»га қарши баҳсда 11 метрлик пенальтини аниқ амалга оширди.
Шу тариқа Месси фаолиятидаги 700-голини урди. У «Барселона» сафида 724 ўйин ўтказиб, 630 та гол урган. Аргентина терма жамоаси сафида эса 138 учрашувда 70 та голга муаллифлик қилган.
33 ёшли Месси «Барселона» тарбияланувчиси ҳисобланади. У ушбу мавсумда Испания чемпионатининг 28 ўйинида майдонга тушиб, 22 та гол урди ва 17 та голли узатмани амалга оширди. Шунингдек, Месси Чемпионлар Лигаси баҳсларида ҳам 2 та гол урган ва 3 та голга ассистентлик қилган. Унинг клуб билан шартномаси 2021 йилнинг ёзигача амал қилади.
Маълумот учун, фаолиятини ҳамон давом эттираётган футболчилар орасида Месси голлар сони бўйича фақат Криштиану Роналдудан ортда қолмоқда. Роналду ҳозиргача 728 та гол уришга муваффақ бўлган.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)