Футбол бўйича Испания Ла Лигасининг 33-турида «Барселона» 30 июнь, сешанба куни «Атлетико»ни қабул қилди.
Учрашув тенг курашлар остида ўтди ва ҳисоб ҳам шунга яраша бўлди. 11-дақиқада мадридликлар ҳужумчиси Диего Коста бурчакдан узатилган тўпни ўз дарвозасига жойлаб қўйди. Орадан кўп вақт ўтмай каталонлар дарвозаси томон пенальти белгиланди. Костанинг зарбасини Марк Андре тер Штеген бартараф этди, бироқ дарвозабон тўпга отилиш вақтида қоида бузилгани сабаб, жарима зарбаси қайтадан белгиланди. Такрорий зарбани Сауль Нигес аниқ амалга оширди.
Иккинчи бўлим дебютида энди меҳмонлар зарарига пенальти белгиланди. Уни Лионель Месси голга айлантирди. 62-дақиқада Сауль яна пенальтидан гол уриб, якуний ҳисобни ўрнатди — 2:2.
Яна очко йўқотган «Барселона» 70 очко билан мусобақа жадвалида 2-ўринда бормоқда ва ушбу турда ҳали ўз ўйинини ўтказмаган «Реал»дан бир очко ортда. «Атлетико» (59) эса 3-поғонада бормоқда.
Ла Лига
33-тур баҳслари
30 июнь, сешанба
«Барселона» — «Атлетико» 2:2
Голлар: 1:0 – 11, автогол Диего Коста, 1:1 – 19, пенальти Сауль, 2:1 – 50, пенальти Месси, 2:2 – 62, пенальти Сауль.«Барселона»: тер Штеген, Семеду, Пике, Лангле, Альба, Ракитич (Серхи Роберто, 63), Бускетс (Фати, 85), Пуч, Видаль (Гризманн, 90), Суарес, Месси.
«Атлетико»: Облак, Фелипе, Хименес, Арьяс, Лоди, Сауль, Феррейра Карраско (Лемар, 85), Льоренте (Жоау Феликс, 69), Томас, Корреа (Витоло, 84), Диего Коста (Мората, 76).
Огоҳлантиришлар: тер Штеген (17), Пике (18), Сауль (35), Фелипе (51), Месси (61), Диего Коста (75), Феррейра Карраско (80), Лемар (90).
«Мальорка» — «Сельта» 5:1
Голлар: 1:0 – 13, пенальти Будимир, 2:0 – 27 Эрнандес, 3:0 – 40 Посо, 3:1 – 50, пенальти Аспас, 4:1 – 52 Будимир, 5:1 – 60 Севилья.«Леганес» — «Севилья» 0:3
Голлар: 0:1 – 23 Оливер Торрес, 0:2 – 35 Оливер Торрес, 0:3 – 82 Мунир.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)