«Барселона» бош мураббийи Кике Сетьен Испания Ла Лигасидан ўрин олган «Атлетико»га қарши ўйиндан (2:2) сўнг ўз фикрлари билан ўртоқлашди.
«Қайғули. Биз учун ҳамма нарса тобора қийинлашиб бормоқда. Очко йўқотиш чемпионликни қўлга киритиш имкониятимизнинг пасайишини англатади. Биз ишлашда давом этишимиз керак.
«Атлетико» — яхши жамоа. Улар жуда яхши ҳимояланади ва барча бўш ҳудудларни ёпа олади. Уларда ажойиб ўйинчилар бор.
Жамоа ўйинидан мамнунман. Вақти билан биз тўпга эгалик қилдик. Бундай интизомли жамоага қарши ўйнаш осон эмас. Футболчиларнинг ҳаракатлари ва ўйин режаси менга маъқул бўлди.
Клубда мени кимдир муҳокама қиляпти деб ўйламайман», — дейди Сетьен.
33-турдан кейин «Барселона» 70 очко билан мусобақа жадвалида 2-ўринда бормоқда ва ушбу турда ҳали ўз ўйинини ўтказмаган «Реал»дан бир очко ортда. Мадрид клуби 33-тур доирасида 2 июль, пайшанба куни ўз майдонида «Хетафе»ни қабул қилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)