Турли техника воситалари ва қурилмаларини тақдим этиб келаётган Хитойнинг Xiaomi корпорацияси ўз автомобилини яратгани тўғрисида хабар берилганди. Бироқ шунча кутилганига қарамай, бу тўлақонли машина эмас, балки Suzuki Jimny моделининг 1:16 масштабда кичрайтирилган ўйинчоқ модели бўлиб чиқди, деб хабар беради Motor.
Xiaomi’нинг янги автомобиль борасида тизери кўпчиликнинг эътиборини тортган эди: Хитой бренди «Автомобиль яратиш? Биз жиддий!» дея изоҳ қолдирилган йўлтанламас сурати орқали омманинг жиғига тегди. Шу сабабли компания мухлислари ҳақиқий машинани кутаётган эди — ҳатто Xiaomi Suzuki Jimny’нинг махсус версиясини яратаётгани борасида тахминлар илгари сурилганди.
Бироқ аслида бу кутилганидан ҳам беъмани бўлиб чиқди: радиобошқарилувчи Jimny ўйинчоғининг нархи 26 доллар туради. Хитой бозорида ушбу ўйинчоқ 1 июлдан пайдо бўлади. Янги маҳсулот анонсидан кейин Xiaomi матбуот хизмати компания яқин орада автомобиль бозорига кириш ниятида эмаслигини маълум қилди.
Шунга қарамай, корпорация автомобиль брендлари билан ҳамкорликни йўлга қўйган. Масалан, 2019 йилда Xiaomi ва Haval ҳамкорлиги тўғрисида маълум бўлганди.
Изоҳ (0)