Сурхондарё вилояти Қумқўрғон туманида Matiz ва «ВАЗ-2101» автомашиналари ўртасида юз берган ЙТҲ оқибатида икки киши, жумладан, ҳайдовчилардан бирининг вояга етмаган фарзанди вафот этди. Бу ҳақда вилоят ИИБ Ахборот хизмати хабар берди.
Қайд этилишича, 2020 йилнинг 27 июнь, шанба куни, тахминан, соат 18:30 ларда туманнинг «Ачамойли» маҳалласи ҳудудидан ўтувчи 4Р-101 автомобиль йўлининг 16-километрида Термиз шаҳри «Дўстлик» маҳалласида яшовчи Б.Ш. бошқарувидаги Matiz русумли автоулов қарама-қарши йўналишга чиқиб кетган.
Оқибатда шу йўналишда ҳаракатланиб келаётган Қумқўрғон тумани «Арслонбойли» маҳалласида яшовчи Ж.Ф. бошқарувидаги «ВАЗ-2101» русумли автоулов билан тўқнашган.
Содир бўлган ЙТҲ натижасида Matiz русумли автомобиль йўловчилари — Термиз шаҳрида яшаган Ж.М. ва ҳайдовчи Б.Ш.нинг қарамоғидаги фарзанди вояга етмаган Н.Н. ҳаёт учун хавфли тан жароҳати олиб, шифохонада вафот этган.
Ҳолат юзасидан 27 июнь куни Жиноят кодексининг 266-моддаси 3-қисми «а» банди (Одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Эслатиб ўтамиз, 28 июнь куни Тошкент шаҳрида юз берган ЙТҲ оқибатида мотоцикл ҳайдовчиси ҳалок бўлган эди.
Бундан аввал 27 июнь куни Қамчиқ довонида Isuzu ва Howo юк машиналари иштирокида ҳам ЙТҲ содир бўлди.
Шунингдек, 25 июнь куни Тошкентда Spark уриб юбориши натижасида 73 ёшли эркак шифохонада вафот этди.
Изоҳ (0)