Тошкент шаҳар ички ишлар бош бошқармаси Шайхонтоҳур ва Сергели туманларида содир бўлган йўл-транспорт ҳодисалари ҳақида маълумот берди.
Хабарга кўра, 27 июнь куни соат 11:30 да Сергели туманидаги Тошкент ҳалқа автомобиль йўлида Lacetti ҳайдовчиси 44 ёшли Д.А. йўлни белгиланмаган жойдан кесиб ўтаётган пиёдани уриб юборган. 57 ёшли Г.К. олган жароҳати оқибатида шифохонада вафот этган.
28 июнь куни тахминан соат 20:50 да Шайхонтоҳур тумани Зулфияхоним кўчасида («Райҳон» кафеси қаршисида) Spark ҳайдовчиси 53 ёшли Т.И. (аёл) йўлни белгиланмаган жойдан кесиб ўтмоқчи бўлган пиёда 10 ёшли Ф.Н.ни уриб юборган. ЙТҲ оқибатида пиёда тан жароҳатлари билан тиббий муассасага етказилган, аммо шифокорларнинг уринишларига қарамасдан, ҳаётдан кўз юмган.
Ушбу икки ҳолатлар бўйича Ўзбекистон Республикаси Жиноят кодексининг 266-моддаси иккинчи қисми (Транспорт воситалари ҳаракати ёки улардан фойдаланиш хавфсизлиги қоидаларини бузиш) бўйича жиноий ишлар қўзғатилган.
Мавзуга доир:
- Тошкентда содир бўлган ЙТҲ оқибатида мотоцикл ҳайдовчиси ҳалок бўлди
- Видео: Тошкентда реклама устунига урилган «Камаз» портлади. Ҳайдовчи ва пиёда вафот этди
- Тошкентда «Газел» ва Hyundai Porter ўртасида тўқнашув содир бўлди. Юк машинаси ҳайдовчиси ҳалок бўлди
- Тошкентда маст ҳайдовчи «Жигули»да 56 ёшли аёлни уриб юборди. Жабрланувчи касалхонада вафот этди
Изоҳ (0)