АҚШда афроамерикалик Жорж Флойднинг полициячи томонидан ўлдирилиши оқибатида юзага келган оммавий норозилик намойиши давом этмоқда. Бу сафар мародёрлар Мичигандаги минилган автомобиллар салонига ҳужум уюштирди: жиноятчилар Bentley Continental GT ўрин олган кўргазма залини вайрон қилди, деб хабар беради Motor.
Барчаси автосалон яқинидаги дилерлик марказидан Hyundai Paslisade ва Genesis G70’ни олиб қочидан бошланган, шундан сўнг жиноятчилар Chevrolet Impala ва Ford Fusion’ни ўғрилашган. Бироқ бу ҳам уларга камлик қилган: улар Europen Autohaus кўргазма залига кириб, Bentley Continental GT калитини топиб олган. Ички кузатув камералар тизими босқинчилардан бири шиша эшиклар ва автосалон витринасининг бир қисмига шикаст етказиб, ўғирланган автомобилда қочиб кетганини ёзиб олган. Маҳаллий полиция уларнинг ортидан қувишга тушган, бироқ жиноятчилар яширинишга муваффақ бўлган.
Маълумотларга кўра, ўғирлаб кетилган Bentley Continental GT 60,8 минг километр йўл босган бўлиб, унинг нархи 40 минг доллар туради.
MLive маълумотларига кўра, сўнгги икки ҳафта ичида маҳаллий диллерлардан 36 тадан ортиқ автомобиль ўғирлаб кетилган, хусусан, уларнинг айримлари бошқа бир жиноят жойларида ҳам қайд этилган.
Аввалроқ АҚШдаги норозилик намойишчилари автосалонларга бостириб кириб, машиналарни ёқиб юбориб, 50 та спорткарни миниб қочгани тўғрисида хабар берилганди.
Изоҳ (0)