Россияда ўтган бир сутка ичида яна 6719 кишида коронавирус аниқланди. Бу ҳақда коронавирусга қарши кураш тезкор штаби хабар берди.
Маълумотларга кўра, Россияда коронавирус тарқалишни бошлаганидан буён касалликка чалинганларнинг умумий сони 641 156 кишига етди. Ҳозирга қадар 403 430 киши даволанишга муваффақ бўлган (ўтган бир сутканинг ўзида 4343 киши). Шунингдек, мамлакатда 9166 бемор COVID-19 қурбонига айланган (ўтган бир суткада 93 киши).
Бундан ташқари, бир сутка давомида коронавирусга 289,4 мингта тест ўтказилган. Пандемия бошланганидан буён Россияда ўтказилган тестлар сони 19,3 миллиондан ошди.
Аввалроқ Россия президенти Владимир Путин ҳар уч кунда коронавирусга тест топшираётгани маълум бўлганди.
Сўнгги маълумотларга кўра, бутун дунёда коронавирус билан касалланганлар сони 10 миллион кишидан, вирус қурбонлари эса 500 минг кишидан ошди.
Изоҳ (0)