Хитойда сўнгги суткада коронавирус билан касалланиш бўйича 13 та ва касаллик белгисиз ўтаётган 5 та ҳолат аниқланди. Беш нафар беморга шифохонадан жавоб берилган. Бу ҳақда Хитой Соғлиқни сақлаш миллий комиссиясига таяниб, «РИА Новости» хабар берди.
Маълумотларга кўра, аниқланган ҳолатларнинг 11 таси мамлакатнинг ўзида, 2 таси четдан юқтирилган.
Бир кун аввал коронавирус билан касалланиш бўйича 19 та ва касаллик белгисиз ўтаётган 1 та ҳолат аниқланганди. Уларнинг аксарияти Пекиннинг Фэнтай ҳудудидаги «Синьфади» улгуржи бозори билан боғлиқ бўлиб, айни пайтда бозор ёпилган.
Мамлакатда умумий ҳисобда 83 463 киши коронавирусга чалинган, ҳозирга қадар 4634 бемор COVID-19 қурбонига айланган. Ҳозирга қадар 78 439 киши даволанишга муваффақ бўлган.
Мавзуга доир: Коронавирусни даволашга мўлжалланган илк дори воситасининг Европа Иттифоқида сотилишига рухсат берилди
Бутун мамлакат бўйлаб коронавирусга чалинганлар сони 12 602 кишига, соғайганлар эса 11 172 кишига етди. COVID-19 қурбонлари сони эса 282 кишини ташкил этмоқда.
Аввалроқ Сеул ва унинг атрофидаги шаҳарларда коронавирус билан касалланишнинг иккинчи тўлқини қайд этилгани тўғрисида хабар берилганди. Жанубий Корея Касалликлар профилактикаси ва назорати маркази (KCDC) раҳбари Чон Ин Гённинг сўзларига кўра, Сеулда иккинчи тўлқин май ойининг бошида бошланган.
Аввалроқ италиялик олим коронавируснинг иккинчи тўлқини кузда юз бериши мумкинлигини тахмин қилганди, ЖССТ вакили эса пандемиянинг иккинчи тўлқини бўлмаслигини таъминлаш мумкинлигини билдирганди.
Изоҳ (0)