Олимлар ПЗР-тестлари салбий натижа кўрсатса ҳам коронавирус оқибатида вафот этаётганлар ҳақида маълум қилди

Москвада коронавирус оқибатида вафот этган 3,5 минг марҳумни ўрганиш жараёнида уларнинг 20 фоизида COVID-19 учун олинган тестлар салбий чиққан. Бу ҳақда биология фанлари доктори, Клиник лаборатория тадқиқотларининг ташқи сифат назорати маркази директори Владимир Малахов Boston Consulting Group (BCG)га таяниб, маълум қилди.

«Москвада коронавирус оқибатида вафот этган 3,5 минг марҳумни ўрганиш жараёнида лаборатория натижалари уларда COVID-19 йўқлигини кўрсатди», — дейди Малахов.

Июнь ойида BCG «Москва ва бошқа мегаполис ҳамда давлатлар пандемияга қарши» номли ҳисоботни эълон қилганди. Унда апрель ва май ойларида ПЗР-тестлар орқали тасдиқланган коронавирус инфекцияси оқибатида 2960 киши вафот этган. Ушбу давр оралиғида мазкур тестларсиз эса 602 та ўлим ҳолати қайд этилган, бироқ ушбу беморларда ҳам коронавирус белгилари кузатилган.

Шундай қилиб, апрель—май ойларида коронавирус инфекцияси оқибатида 3562 киши вафот этган бўлиб, ПЗР-тестисиз қурбонлар сони 16,9 фоизга тенг. BCG’нинг таъкидлашича, ҳисоботда келтирилган маълумотлар оммага эълон қилинган маълумотлар ва экспертларнинг интервьюларида асосида таҳлил қилинган.

Аввалроқ Россия федерал тиббий-биологик агентлиги раҳбари Вероника Скворцова иккинчи қон гуруҳига мансуб кишилар бошқаларга нисбатан кўпроқ коронавирус билан касалланаётганини маълум қилганди.