Украинанинг Ивано-Франковск вилояти прокуратураси томонидан тергов версиясига кўра, мамлакат ғарбида сув тошқинларига сабаб бўлган ўрмондаги дарахтларнинг ноқонуний кесилиши ҳолати бўйича жиноят иши қўзғатилади.
Таъкидланишича, жиноят иши ўсимлик ёки ҳайвонот оламини оммавий яксон қилиш моддаси бўйича қўзғатилган бўлиб, бу 15 йилгача озодликдан маҳрум қилиш жазосини ўз ичига олади.
Прокуратуранинг ҳисоблашича, йирик сув тошқинлари атроф-муҳит ҳимояси ва қишлоқ хўжалиги фаолиятини тегишли тартибда таъминлаб бермаган амалдорлар сабаб ҳам содир бўлган.
Июнь ойидаги ёғингарчиликлар сабаб Ивано-Франковск, Черновиск, Львов, Карпаторти ва Тернополь вилоятларида сув тошқинлари юзага келган. Энг катта зарарни 22—23 июнь кунлари икки ойлик нормадан кўпроқ ёғган ёмғирлар сабаб Ивано-Франковск вилояти кўрган. «Укргидрометцентр»нинг маълум қилишича, бу каби ёғингарчилик сўнгги 20 йилдан буён биринчи бор кузатилган.
На Західній Україні паводки. Затопленими залишаються 165 населених пунктів. Синоптики кажуть, що інтенсивність опадів буде знижуватися відсьогодні, але вода у річках почне спадати через один-три дні. Дивіться, що відбувається у західних областях https://t.co/UzDgHxwaWH
— hromadske (@HromadskeUA) June 24, 2020
Прокуратура маълумотларига кўра, сув тошқини оқибатида 3 киши ҳалок бўлган, 10 мингдан ортиқ уй сув остида қолган, 150 километрга яқин йўл ва 90 та кўприк вайрон бўлган.
25 июнь куни Украина президенти Ивано-Франковскка келиб, жабрланган аҳоли билан учрашган.
Аввалроқ Москва жануби кучли ёмғирдан сўнг сув остида қолгани тўғрисида хабар берилганди.
Изоҳ (0)