Покистонда фуқаролик авиациясида фаолият олиб бораётган учувчиларнинг 30 фоизи парвозларни амалга ошириши учун қалбаки лицензия расмийлаштирган. Бу ҳақда мамлакат Авиация вазирлиги маълумотларига таяниб CNN хабар қилди.
22 майда содир бўлган Карачидаги Airbus 320 самолёти ҳалокатидан кейин 262 нафар бўлажак учувчининг ўрнига бошқалар имтиҳонлардан ўтгани аниқланган.
Associated Press агентлигининг қайд этишича, Pakistan International Airlines (PIA) авиакомпанияси ушбу воқеадан кейин 150 нафар учувчини ишдан четлатган.
PIA компаниясига тегишли самолёт 22 май куни қўниш вақтида турар жой мавзесига қулаган. Кейинчалик бу борадаги терговнинг дастлабки натижалари эълон қилинган. Дастлаб самолётнинг қўниш учун қилган биринчи уринишида двигатель зарар кўргани, диспетчерлар экипажни бу ҳақда огоҳлантирмагани ойдинлашган.
Иккинчи уринишда учувчилар етарли баландликка эга эмаслиги ҳақида огоҳлантирилган, аммо ушбу хабарга жавоб қайтармаган. Экипаж аъзолари парвоз вақтида коронавирус атрофидаги вазиятларни муҳокама қилган.
Изоҳ (0)