Британиядаги пляжларнинг бирида сайр қилиб юрган 5 ёшли қизалоқ заҳарли медуза топиб олди, деб хабар беради Daily Mail.
Уэльслик Дом Фокс пляжда қизи Эрин билан сайр қилиб юрганида 5 ёшли қизча қумдаги улкан доғни кўриб қолган ва уни кўриш учун олдига югурган.
Маълум бўлишича, тўлқинлар икки метрли цианеяни қирғоққа чиқариб ташлаган. Қизнинг отаси фарзандини топилмага яқинлаштиришга ҳам қўрққан, бироқ у медуза билан суратга тушишни хоҳлаган.
Эркакнинг таъкидлашича, суратни кўрганлар шокка тушган. Эркак қизалоқ буни узоқ вақт эслаб юришига умид билдирмоқда.
Маълум бўлишича, маҳаллий сувларда яшайдиган ушбу медузаларнинг катталиги ёз ойларида 2,5 метргача етади.
Изоҳ (0)