Барселонанинг «Лисео» опера театри 22 июнь куни очилди ва биринчи концерт дастурини тақдим этди, деб ёзади Esquire.
Бироқ карантиндан кейинги илк концерт аудиторияси ўта ноодатий бўлди: театрнинг дастлабки томошабинлари туваклардаги 2292 та ўсимлик бўлди.
Театр мамлакатдаги уч ой давом этган карантин бекор қилинганининг эртаси куни ушбу концертни ташкиллаштирди.
Бундай концертни ташкиллаштириш ғояси муаллифи испаниялик рассом Эухенио Ампудиага тегишли. Унинг айтишича, пандемия вақтида табиатни кўп кузатган, бу ҳолат эса уни концерт уюштиришга ундаган.
«Мен қушлар сайрашини эшитдим. Бу ҳолатдан боғимдаги ва кўчадаги ўсимликлар тезроқ ўса бошлади. Энди инсонлар ва табиат билан мустаҳкамроқ алоқа ўрната оламан, деб ўйладим» — дейди рассом.
Изоҳ (0)