Аляска Миллий гвардияси 1990 йилларнинг ўрталарида Кристофер Маккэндлесс исмли саёҳатчи (Александр Супербродяга номи остида танилган) бир неча ой давомида яшаган автобуснинг эвакуация қилинаётгани тасвирланган видео билан бўлишди.
«Автобус 142» ёки «Сеҳрли автобус» 1996 йилда чоп этилган «Ёввойи шароитларда» номли ҳужжатли китоб ва 2007 йили шу номдаги фильм тақдим этилганидан сўнг, машҳурликка эришган. Ташландиқ транспорт воситасидан Кристофер Маккэндлесс Алясканинг кимсасиз қисмида яшаш учун фойдаланган.
Саёҳатчи фақатгина табиат ресурсларидан фойдаланган ҳолда цивилизациядан узоқда яшашни режалаштирган. Бироқ у ўрмонда яшашни бошлаганидан 114 кун ўтиб вафот этган. Унинг жасади мазкур автобус ичидан топилган.
Маккэндлесснинг бу каби хатти-ҳаракати кўплаб саёҳатчиларни илҳомлантирган бўлиб, улар ушбу автобус томон сафар уюштира бошлаган. Айнан шу ҳолат маҳаллий ҳукуматни эвакуацияни амалга оширишга мажбур этган. 2009 йилдан 2017 йилга қадар 15 маротаба қутқарув-қидирув операциялари ўтказилган, кўплаб туристлар жароҳат олган, яна бир нечтаси чўкиб кетган.
Автобусни бошқа жойга кўчириш учун, CH-47 Chinook оғир ҳарбий транспорт вертолётидан фойдаланилган.
Изоҳ (0)