Футбол бўйича Англия Премьер Лигасининг 31-турида «Манчестер Сити» 25 июнь, пайшанба куни «Челси» майдонига сафар қилди.
Учрашув тенг курашлар остида бошланди ва лондонликлар рақибдан бироз фаолроқ ўйин намойиш қилди. 36-дақиқада меҳмонлар ҳимоясидаги хатодан сўнг дарвозабон билан бирга-бир вазиятга чиқиб кетган Кристиан Пулишич ҳисобни очди.
Иккинчи бўлим дебютида Кевин де Брюйне жарима зарбасини қойилмақом ижро этган ҳолда, мувозанатни тиклади. Голдан сўнг «шаҳарликлар» фаолликни оширди, бироқ «кўклар» иккинчи голни киритишга муваффақ бўлди. Фернандиньо дарвозага кириб кетаётган тўпни қўли билан тўхтатиб қолди. Натижада ҳакам футболчига қизил карточка кўрсатди ва пенальти белгилади. 11 метрлик жарима зарбасини Виллиан голга айлантирди.
Шу тариқа «Манчестер Сити» ушбу мағлубиятдан кейин чемпионлик курашидан чиқди ва «Ливерпуль» муддатидан аввал чемпионга айланди. Мавсум тугашига етти тур қолганида «Ливерпуль» (86 очко) «Манчестер Сити»ни 23 очкога ортда қолдириб кетди. «Челси» эса очколарини 54 тага етказиб олди ва 3-ўриндаги «Лестер» билан ўртадаги фарқни бир очкогача қисқартирди.
«Арсенал» Эдвард Нкетиа ва Жо Уиллокнинг голлари эвазига «Саутҳэмптон»ни мағлуб этди. Бу ғалаба Микель Артета шориргларини 9-ўринга олиб чиқди.
АПЛ
31-тур баҳслари
25 июнь, пайшанба
«Челси» — «Манчестер Сити» 2:1
Голлар: 1:0 – 36 Пулишич, 1:1 – 55 де Брюйне, 2:1 – 78, пенальти Виллиан.«Челси»: Аррисабалага, Аспиликуэта, Алонсо, Рюдигер, Кристенсен, Канте, Баркли (Ковачич, 73), Пулишич (Гилмор, 90+2), Маунт (Педро, 90+2), Виллиан, Жиру (Абраҳам, 62).
«Манчестер Сити»: Эдерсон, Уокер, Ляпорт (Отаменди, 74), Менди (Зинченко, 59), Бернарду Сильва (Габриэль Жезус, 55), Гундўған, Стерлинг, Родри Эрнандес (Сильва, 55), Маҳрез, де Брюйне, Фернандиньо.
Огоҳлантиришлар: Алонсо (38), де Брюйне (76).
Четлатиш: Фернандиньо (77).
«Саутҳэмптон» — «Арсенал» 0:2
Голлар: 0:1 – 20 Нкетиа, 0:2 – 86 Уиллок.«Саутҳэмптон»: Маккарти, Беднарек, Стивенс, Валери (Уокер-Питерс, 46), Бертран, Ҳейберг (Вестергор, 90), Армстронг, Редмонд, Уорд-Проуз, Ингз (Ромеу, 90), Обафеми (Лонг, 46).
«Арсенал»: Мартинес, Мустафи, Тирни (Колашинац, 70), Ҳолдинг, Бельерин, Жака, Себальос (Мэйтленд-Найлз, 80), Пепе (Уиллок, 64), Нкетиа (Ляказетт, 79), Обамеянг, Сака.
Огоҳлантиришлар: Мустафи (11), Сака (47).
Четлатиш: Стивенс (85).
«Бёрнли» — «Уотфорд» 1:0
Гол: 1:0 – 73 Родригес.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)