Футбол бўйича Соса Сола Суперлига 6-туридан ўрин олган марказий учрашувда «Бунёдкор» 25 июнь, пайшанба куни Тошкентнинг бошқа бир клуби «Локомотив»ни қабул қилди.
Дерби мақомида ўтган беллашувнинг дастлабки 45 дақиқалигида «қалдирғочлар» нисбатан илиқроқ таассурот қолдирди. Бунинг мисоли ўлароқ, «Бунёдкор»нинг туркманистонлик легионери Селим Нурмуродов 19-дақиқада чамаси 22 метрлардан йўллаган ажойиб зарбаси билан Игнатий Нестеров доғда қолдирди — 1:0. Иккинчи бўлимда ҳам мезбонлар устунликни ўз томонларида ушлаб турди ва 74-дақиқага келиб, Шаҳбоз Эркинов чап қанотдан оширилган тўпни дарвозага тўғирилаб қўйди — 2:0. Шундан сўнг дарвозалар бошқа ишғол этилмади ва «Бунёдкор» ўз майдонида «Локомотив» устидан ишончли ғалабага эришди.
«Бунёдкор» ушбу ғалабадан кейин очколарини 12 тага етказиб олган бўлса, «Локомотив» 6 очко билан 10-ўринда бормоқда.
«Пахтакор» эса ушбу турда «Қизилқум» меҳмони бўлди ва ишончли ғалабани қўлга киритди. Учрашувнинг дастлабки бўлимида ҳисоб очилмади. Иккинчи бўлим дебютида Достон Ҳамдамов «шерлар»ни олдинга олиб чиқди. 74-дақиқада Жалолиддин Машариповнинг бурчакдан узатиб берган тўпини Эрен Дердийок боши билан дарвозага жойлаб қўйди.
Мазкур ғалабадан сўнг очколарини 15 тага етказиб олган «Пахтакор» биринчи ўринга қайтди. «Қизилқум» (1) эса 13-поғонада бормоқда.
Соса Сола Супрелига
6-тур баҳси
25 июнь, пайшанба
«Бунёдкор» — «Локомотив» 2:0
Голлар: 1:0 – 19 Нурмуродов, 2:0 – 74 Эркинов.«Бунёдкор»: Сарвар Каримов, Ислом Қобилов, Иброҳимхалил Йўлдошев, Жасур Жалолиддинов (Фарруҳ Икрамов, 58), Расул Йўлдошев (Анвар Ғофуров, 76), Лутфулла Тўраев, Санжар Қодирқулов, Нурилло Тўхтасинов, Абдулла Абдуллаев, Селим Нурмуродов (Суҳроб Иззатов,), Шаҳбоз Эркинов (Ҳумоюн Муртазоев, 76).
«Локомотив»: Игнатий Нестеров, Шаҳзод Шайманов, Даврон Умиров (Камрон Саидазимов, 66), Кахи Maxaрадзе (Ойбек Қиличев, 79), Вадим Афонин, Кирилл Погребняк (Иброҳим Ғанихонов, 66),Темурхўжа Абдухолиқов, Даврон Ҳошимов, Дилшод Комилов (Фарруҳ Иброҳимов, 70), Шуҳрат Муҳаммадиев (Жавоҳир Алижонов, 79), Шерзод Файзиев.
Огоҳлантиришлар: Қодирқулов (39), Ҳошимов (45), Қобилов (45+1).
«Қизилқум» — «Пахтакор» 0:2
Голлар: 0:1 – 47 Ҳамдамов, 0:2 – 74 Дердийок.«Қизилқум»: Артём Макосин, Руслан Маргиев, Алишер Саноев, Қадамбой Нурметов, Файзулло Қамбаров, Салим Мустафоев, Шерали Жўраев, Азиз Усмонов, Маккартни Навесеб, Олег Толмасов, Суннатилла Абдуллажонов.
«Пахтакор»: Элдорбек Суюнов, Ҳожиакбар Алижонов, Анзур Исмоилов, Жалолиддин Машарипов, Драган Черан, Достонбек Ҳамдамов (Жавоҳир Сидиқов, 83), Одилжон Ҳамробеков, Шерзод Аъзамов, Сардор Собирхўжаев (Аброр Исмоилов, 83), Фарруҳ Сайфиев (Акром Комилов, 90), Эрен Дердийок (Игор Сергеев, 83).
Огоҳлантириш: Жўраев (42).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)