Интернетда Xiaomi компаниясининг янги патенти пайдо бўлди. Ҳужжатда айланувчан ташқи камерага эга мобил қурилмаларнинг янги тури ҳақида сўз боради, деб хабар қилади Gizmochina.
Патентга кўра, янги қурилма фронтал камера модулидан воз кечган. Бунинг ўрнига орқа тарафдаги асосий камерага ўз жойини ўзгартиришга қодир сенсор ўрнатилган. Фронтал датчик керак бўлиб қолса, уни дарҳол айлантирган ҳолда фойдаланиш мумкин.
Янги дизайннинг мақсади деярли маълум — ишлаб чиқарувчи смартфон экранида ортиқча нарсалар бўлишини хоҳламаяпти. Мазкур янгилик сабаб дисплей олд панелни тўлиқ эгаллайди.
Тасвирлардан янги мобил камера қай тарзда ишлашини тушуниб бўлмайди. Шунга қарамай, бу каби вариант айрим ишлаб чиқарувчилар фронтал камерани яширишда фойдаланаётган механизмнинг муқобилига айланиши мумкин.
Изоҳ (0)