Уяли алоқа сигналлари беқарор бўлган ҳудудда телефонларнинг қуввати одатдагидан бир неча маротаба тезроқ тугайди. Бу ҳақда Telecom Daily бош директори Денис Кусковга таяниб, «Прайм» агентлиги хабар берди.
Унинг сўзларига кўра, смартфон мунтазам равишда яқин атрофдаги базавий станцияни қидириш билан шуғулланади. «У қанчалик узоқда жойлашган бўлса, батарея шунчалик тез тугайди. Буни поездда кетаётганингизда сезиш жуда осон. Телефондан фойдаланмасангиз ҳам бир кечада аккумулятор қуввати тўлиқ тугаб қолиши мумкин», — дейди эксперт.
Шу сабабли белгиланган манзилга етиб борганда алоқасиз қолиб кетмаслик учун йўлда гаджетни ўчириб қўйиш тавсия этилади.
Шунингдек, смартфонларнинг ишчанлик қобилиятини ошириш учун ундаги кераксиз иловаларни ўчириб ташлаш тавсия қилинган. Смартфонга ўрнатилган ҳар қандай дастур эртами-кеч интернетга уланади ва ўшанда у турли ҳисоботлар юборишни ҳамда янгиланишни (обнoвления) сўрайди. Уларни ўчириб ташлаш орқали гаджет қувватсиз 10 фоиз вақтини тежаб қолиши мумкин.
Аввалроқ Денис Кусков смартфон учинчи шахс томонидан тингланаётганини қандай билиш мумкинлиги ҳақида маълумотлар билан бўлишганди.
Изоҳ (0)