BMW компанияси Apple билан ҳамкорликда янги Digital Key функциясини тақдим этди. Унинг ёрдамида компаниянинг барча янги автомобилларини калит ишлатмасдан очиш мумкин, деб хабар беради Motor.
WWDC халқаро конференциясида Apple компанияси iOS’нинг янги версиясини тақдим этган. Янгиланган операцион тизимда виртуал калитларни яратиш ва уларни Wallet иловасига қўшиб қўйиш имконияти пайдо бўлган. Мазкур тизим ҳозирда самолёт чипталари ёки банк карталари билан ишламоқда. Унинг ёрдамида автомобиль эшигини очиш/ёпиш, шунингдек, двигателни ишга тушириш мумкин. Смартфон ва машина ўртасида алоқа NFC технологияси ҳисобига ишлайди, машина эгаси смартфонини эшик тутқичига теккизса кифоя — худди Apple Pay ёрдамида тўловларни амалга оширишдаги каби.
Илова интерфейси машина эгасига виртуал калит билан iMessege орқали улашиш имкониятини беради, шу билан бирга, ҳар бир фойдаланувчи учун алоҳида чекловларни тақдим эта олади.
Виртуал калитларни қўллаб-қувватлаш барча турдаги BMW моделлари учун стандартга айланади. Бироқ у фақатгина 2020 йилнинг 1 июлидан бошлаб ишлаб чиқариладиган янги автомобилларда амалга оширилади. Функциядан iPhone ХR, iPhone XS ёки янги моделдаги смартфон, шунингдек, Apple Watch Series 5 эгалари фойдаланиши мумкин.
Изоҳ (0)